کتێبێکی نایابی وەرگێران بۆ بەشەکانی زمانی ئینگلیزی و ئارەزوومەندانی وەرگێران بڵاوکرایەوە

چاپکردن ئیمەیڵ

ئه‌م پەرتووکە پەرتووکی پوخته‌ی وه‌رگێڕانی ئینگلیزی-كوردی (An Introduction to English-Kurdish Translation) له‌لایه‌ن ‌ د. صابر حسن رسول سه‌رۆكی به‌شی ئینگلیزی و مامۆستای وانه‌ی وه‌رگێڕان له‌ زانكۆی گه‌شه‌پێدانی مرۆیی، به‌ هاوبه‌شی له‌گه‌ڵ نوسه‌ر و وه‌رگێڕ عبدالكریم عوزێری نوسراوه‌.

هه‌ریه‌ك له‌ نووسه‌رانی ئه‌م كتێبه‌ خاوه‌ن ئه‌زمونێكی گه‌وره‌ی بواری وه‌رگێڕانن به‌ تایبه‌ت له‌ نێوان زمانی ئینگلیزی و كوردیدا. ده‌كرێت بگوترێت ئه‌مه‌ یه‌كه‌م پەرتووکە له‌ بواری وه‌رگێڕانی ئینگلیزی و كوردیدا، كه‌ هه‌ر دوو لایه‌نی تیۆری و كرداری تێدایه‌ و نمونه‌ی كرداریی و ڕاهێنان له‌خۆده‌گرێت. جۆره‌كانی وه‌رگێڕان و مێژووی وه‌رگێڕان و ته‌كنیكه‌كانی وه‌رگێڕان و وه‌رگێرانی ئه‌ده‌بی و وه‌رگێران و ته‌كنه‌لۆژیا، له‌گه‌ڵ چه‌ندین بواری دیكه‌ی وه‌رگێڕان له‌م كتێبه‌دا تاووتوێكراون.

ئاره‌زوومه‌ندانی زمانی ئینگلیزی و كوردی له‌ مامۆستایان و خوێندكاران و وه‌رگێڕان و توێژه‌ران ده‌توانن سود له‌م كتێبه‌ وه‌ربگرن، هاوكات ده‌كرێت وه‌ك پڕۆگرامی وانه‌ی وه‌رگێڕان له‌ زانكۆكان بگوترێتەوە. له‌ به‌شی كرداریدا دەقی ئینگلیزی هاوته‌ریب به‌ وه‌رگێرانی كوردی دانراوه‌، كه‌ زۆر سودبه‌خشه‌ بۆ ئه‌و كه‌سانه‌ی ده‌یانه‌وێت زمانی ئینگلیزیان په‌ره‌ پێبده‌ن.